Ilmiy kengash Institut direktorining ilm-fan bo‘yicha maslahatchisi – Ilmiy kengash raisi rahbarligida faoliyat yurutuvchi ilmiy va ilmiy-tashkiliy organ hisoblanadi. Ilmiy kengash tarkibiga direktor, Institut direktorining ilm-fan bo‘yicha maslahatchisi, ilm-fan bo‘yicha direktor o‘rinbosari, ilmiy kotib, laboratoriya katta ilmiy xodimi, zarur hollarda yordamchi bo‘linmalarining bosh mutaxassislari va kasaba uyushmasi tashkiloti vakillari kiradi. Ilmiy kengash tarkibiga boshqa tashkilotlarda ishlaydigan yetakchi olimlar va mutaxassislar ham taklif qilinishi mumkin.
Ilmiy kengash vazifalari:
- Ilmiy-tadqiqot ishlarining yillik rejasini, dasturlar loyihalari, grantlarni, ilmiy kadrlar tayyorlashni, yig‘ilish va konferensiyalar o‘tkazish rejalarini ko‘rib chiqadi va tasdiqlaydi;
- Institut ilmiy va ilmiy-tashkiliy faoliyatining barcha bo‘linmalari bo‘yicha eng muhim natijalarining hisobotini ko‘rib chiqadi va tasdiqlaydi;
- Institut laboratoriyalaridagi o‘zgarishlarga oid masalalarni muhokama qiladi;
- eng muhim ilmiy muammolarni aniqlaydi, ilmiy ma’ruzalarni tinglaydi va Institutdagi eng muhim ilmiy ishlar natijalariga baho beradi;
- Institutning nashrga tayyorgarlik rejalarini ko‘rib chiqadi va ilmiy ishlar to‘plami, xodimlar ilmiy ishlarini nashrga tavsiya etadi;
- Institut xodimlari ish rejalari bajarilishiga oid masalalarni boshqa ilmiy tashkilotlar bilan, shuningdek xalqaro va chet el hamkorlari bilan muvofiqlashtirishni muhokama qiladi;
- Doktorlik dissertatsiyalari mavzulari, izlanuvchilarning ish rejalarini ko‘rib chiqadi va tasdiqlaydi;
- Laboratoriya mudirlari va tadqiqot guruhlari rahbarlari, shuningdek ayrim ilmiy xodimlar ishlari xaqidagi hisobotni eshitadi;
- Ilmiy xodimlar malakasini oshirish bilan bog‘liq masalalarni muhokama qiladi, ilmiy kadrlar tayyorlash ishlari yuzasidan olimlarning ma’lumotlarini muntazam tinglab boradi;
- Dissertatsiyalar himoyalari bo‘yicha Ixtisoslashtirilgan kengashlar ishi xaqidagi hisobotlarni tinglaydi va tasdiqlash uchun tavsiya etadi;
- Olimlarning yirik ilmiy ishlari, ixtiro va kashfiyotlarini ilm-fan sohasida O‘zbekiston Davlat mukofotiga, shuningdek buyuk olimlar nomidagi medal va mukofotlar olishga, Institut xodimlarini fahriy unvon va boshqa mukofotlarga tavsiya etadi, O‘zbekiston Respublikasi Fanlar akademiyasiga xaqiqiy a’zo bo‘lishga nomzodlarni ko‘rsatadi;